 |
Questa pagina a no l'è stæta corretta. | |
Dove se sta tanto ben
Per vegnîghe a consûmmâ
Ûn pûpillesco disnâ
Martedì, o primmo che ven.
Con raxon scià deve dî
Ch’emmo proprio a faccia rotta,
E che grande è o nostro ardî
Per vegnî a seconda votta
A streppâghe, a ûso Checchin,
Quello tale sûnaggin.
Ma, se noi semmo sfrontæ,
Scià n’incolpe a sò bontæ
Che a l'è grande a ciù no dî
E a sorpassa o nostro ardî;
Onde voemmo lûxingâse
Che scià vorriä ben degnâse
D’aderî ä nostra domanda;
Ma con patto e condizion
Stabilïa, sine qua non,
Che a se gh’intima e comanda
De vegnî co-a sò personn-a
A formâ bella coronn-a
E onorâ o nostro pransetto,
Che coscì o parriä ûn banchetto.
