 |
Questa pagina a no l'è stæta corretta. | |
Da ciù secoli se trêuva,
Che s’ûsava, a dî a veitæ,
Dâlo a-i ommi e a-i animæ
Con grandiscima riûscïa,
Ma non so per che maottïa;
Dæto dunque in congiuntûa
E ne-a dose convegnûa
E ne-i caxi precisæ
Dall’autô a-i ommi astrûnnæ 5,
O ghe deve fâ do ben,
Se o l’ha fæto a-i axi, e a-i chen.
A riçetta tûtti a san,
Ché i figgêu finn-a se a fan.
Mi no vaddo a analizzâ
Cöse segge a scamonea:
Ognûn sa che a fa c. . . ;
Anzi a fa vegnî a diarrea.
A xialappa e a senna, insemme
Ai turbiti, son giastemme,
Cioè, trei drastici potenti
Da corrî con tûtti i venti,
Che affettæ, e missi a zemin
In te l’alcolo, cioè vin,
