 |
Questa pagina a no l'è stæta corretta. | |
A-o Pippetto e Manuellinn-a 8
Con tramezo ûn baxettin
Do figgiosso Michelin.9
Mi son sempre tormentôu
Da-o mæ brasso mâ cûrôu,
E me fa malinconïa
A mæ man chi se retïa,
Perchè penso all’avvegnî.
Se o Segnô no ghe ripara,
Ûn’inverno se prepara
Chi ne dä da fâ e da dî.
Perchè va montando o gran
E fan zà piccin o pan:
Cresce l’êujo, o vin e tûtto,
E prinçipia ûn freido brûtto;
I affari son giassæ
E fan poco rëo 10 i dinæ!....
Ah! finisse là in levante
Presto a guæra cö tûrbante 11
E se fesse a paxe sûbito!
Bella cosa, ma ne dûbito.
