 |
Questa pagina a no l'è stæta corretta. | |
Responsciva a quella mæ
Do spavento da çittæ
Per caxon do terremoto.
Tûtto o popolo divoto
Fè de grandi procescioin
Pe-a çittæ, de penitensa;
Se veddeiva ogni pittin
Ommi e donne in concorrensa,
Descäsæ, e sempre pregando,
I santuari vixitando,
E l’ëa sempre a gëxa pinn-a
Tanto a-o Monte che in Oeginn-a 3.
A Madonna a l’ha exaudïo
I sò figgi, e a l’ha pregôu
Tanto o Sò 4, che a l’ha placôu,
Nè ciù a Zena s’è sentïo
Quelle maledette scosse
Che me e sento ancon pe-i osse,
E in te tûtte e gëxe a reo
Se cantò di gren teddeo 5.
Ma, do resto, quanta gente
È zà morta da-o spavento!
Quanti e quante se ne sente
