 |
Questa pagina a no l'è stæta corretta. | |
Ma che o magne o grillo et çettea,
Per fâ nasce ûn Parodin,
Che ghe fö ûn sûnetto: evviva
Barba, nevo e comitiva;
Sciù tocchemmo tûtti, evviva!
Me ne lappo 5 mëzo dïo
Per fâ ûn brindixi granïo
A-o sciô Oneto Françeschin,
Garson dotto, asperto e fin,
Chi fä sempre di quattrin;
Gran teatrale dilettante,
E nottûrno rondezzante;
E bon prò ghe fasse, evviva
Checco Oneto e a comitiva!
Sciù tocchemmo tûtti, evviva!
Chì sciûghiö o resto do vin
Per fâ ûn toast a Boccardin,
Ommo allegro e de bon chêu,
Dilettante de raviêu,
De porpette, cottellette,
E de torte co-e fädette,
Viva o sciô Boccardo, evviva
Con lê tûtta a comitiva!
Viva o granatê piccin
Co-i mostasci Parodin,
