 |
Questa pagina a no l'è stæta corretta. | |
Da magnâ o grillo in sociale
Per fâ nasce ûn colossale
Bello erede ûniversale.
Viva o sciô Luigin! Evviva!
Presto o gotto sciù tocchemmo,
A-a salute sò bevemmo,
Criando tûtti forte: Evviva!
Luigi Ricci e a comitiva,
Sciû tocchemmo torna: Evviva!
Fasso ûn brindixi a Paolin
Sëxa, bravo e bon banchê,
Chi é ûn pittin de fanettin 3
Per conosce o sò mestê;
Servixoso, amabiliscimo
Bon amigo, e portatiscimo
Pe-i cappoin grosci e pe-a piva:
Che bon prò ghe fasse; evviva
Paolo Sëxa, e a comitiva!
Viva o bravo nevettin
Sciô Parodi Giacomin,
Lesto, attento e bon figgiêu,
De pappâ speansa e resciöu;
Ambulante minëa d’öu
Chi sta sempre in to corzêu 4.
