Pagina:Chittarin zeneize 1881.djvu/152

Da Wikivivàgna

Ma me manca a lena e o dî
E me vaddo a perde in viaggio;
Son confûso e sbalordïo,
Fêua de mi dall’allegressa,
Da-o piaxeì, dä contentessa
Per quanto ho visto e sentïo
Ne-a divota e teneriscima
Gran funzion d’anchêu belliscima.
Quante lagrime versæ
De consolazion da ûn poæ!
Quante grazie e che favô
Ha avûo o figgio da-o Segnô!
Che ûbbidiente a-o sò parlâ
D’in Çê è sceiso zù all’artâ....

Oh divinn-a e celestiale
Dignitæ sacerdotale!
Oh imponensa elettrizzante
D’ûn Levita celebrante!
Sacrosanto ministero,
Sommo, augûsto e gran mistero,
Che descrive e definî
No se pêu da mente ûmana,
Tanto ciù da ûnn-a profana
E da-o debole mæ dî!

Solo diö con gran raxon
Tûtto pin de confûxion
Che o Segnô m’ha consolôu