 |
Questa pagina a no l'è stæta corretta. | |
À re Deliçie de Pêgi
IN CAZA LOMELIÑA.
Cantemmo allegramenti,
Scióremose ro cœu.
Sciù via tutti contenti,
Chi sà, chi vœu, chi pœu.
Se sœunnen ri instrumenti,
Che ra saxon ro vœu.
Cantemmo allegramenti,
Scióremose ro cœu.
2
Ven Mazzo à fâ bombæa
Vestío tutto de scioî:
Ra campagna và in æa,
Per tutto manda odoî;
E l'agnellin chi bæa,
Dra taña sciorte fœu.
Cantemmo ec.
3
Se vè ra rondaniña,
Che porta tempo bon:
Bonaçça ra mariña:
Re figge en in barcon:
Minetta con Maxiña
Fan rie l'ortiggiœu.
Cantemmo ec.
