 |
Questa pagina a no l'è stæta corretta. | |
Voî sola in tante bocche saruâ,
Con dî che sei de graçie e de bontæ
Piña, che sta in Voî sempre e sempre sæ
Quello che tutto sà, tutto pœu fâ.
Tra quante donne se pœu moæ trovâ,
Re riccheççe de Dio se son versæ
In Voî, e in quello Fruto che portæ,
Gesù, che l'universo vœu salvâ.
Preghæ dunque per noî, Santa Maria,
Mizerabili, indegni, peccatoî,
Perchè battemmo sciù ra boña via.
Quando ghe penso, spontan ri suoî.
Sciu l'ora estremma dra nostra angonía,
Oh gran Moære de Dio, sarvæne Voî.
