 |
Questa pagina a no l'è stæta corretta. | |
Maria, ne domandemmo ro perdon.
Ri œuggi incavæ faran comme bronzin:
Lagrime de dorô seira e mattin
Verseran, per desfâse in contriçion.
Ogni ciaçça, ogni stradda, ogni canton
Sentirà da ri grendi e piccenin
In compagnie desteixi e in processioin,
Invocâve con fede e devoçion.
Chi dre Misericordie ve dirà,
Chi dre Grazie Regiña incoronâ,
Chi ro vostro Rozario intonerà.
Ave a dexeñe s'ódirà criâ:
Santa Maria ognun responderà.
Voî sola in tante bocche saruâ.
