 |
Questa pagina a no l'è stæta corretta. | |
LUCREÇIA AGUIARI
SONETTO.
Æla uña voxe umana, ò un violin,
Che in gôra avei, Lucreçia, ò un flagioletto?
Quello cantâ così polito e netto,
Chi ne sorpende, e passa ri confin?
Orseo, quello gran Musico Divin,
À confronto de Voî, con un decretto,
O se decæra d'ésse un zero sccetto,
E ve posa à ri pê ro chittarrin.
Tersicore, e ri atre dro sò coro,
Con re sò proprie moen se dan ro vanto
De coronâve d'un eterno alloro.
E con piaxei universale e tanto
À cæro son de tromba alta e sonora
Sei stæta deciarâ ra Dea dro Canto.
