Pagina:Chittarin 1772.djvu/117

Da Wikivivàgna
Sata a-a navegassion Sata a-a serchia


À RO SIGNOR
D. AMBRŒUXO CONTI
In lode dre sò Poexie Zeneize.

SONETTO.


Conti, doppo che è morto ro Cavallo,
Dro compoñe e fâ versi à ra Zeneize
S'era perso ra fœuzza in ro Paeize,
E sciù d'in cello erimo andæti in fallo.

Voî gh'hei trovao de nœuvo ro sò stallo;
Onde re vostre rimme se son reize
Famoze, e con piaxei da tutti inteize:
Voî dro nostro Parnasso sei ro gallo.

V'imbrignæ de Gian[sic] Rossi e dro Foggetta,
Dro Çigâra, e tant'âtri che han composto,
E in primmo grao han ra patente netta.

Voî sei çuccaro fin, sei sciô de rosto:
Bezœugna à voi cavâse de berretta,
E metteve fra ri âtri in primmo posto.