Pagina:Chiaravalle Genovese per l'anno1833.djvu/73

A Serenata.

Un-na seja Checco Gælla,
Mezo sciollo, andò a cantâ
Co-a chitära descordâ
Dâ buttega da so bælla;

Quella incangio de sciallâse,
A fe mostrâ d’arraggiâse
E de cianze; Cattaìnin?
O ghe disse, e cose ti hæ
Che ti cianzi? vitta mæ!..
No te gusta o mæ cantâ? ...

A rispose ammagonâ
Cianzo un’aze, che meschin
Questo mazzo o m’è^[sic] creppò
C'un-na voxe comme a tò.

Bonna nëutte daeta a tempo.

Un poveo guerso un giorno stava a vedde
Un-na bella zugata de ballon,
Aa primma caccia, cosa da no credde,
Piggia un-na ballonnâ in te l’êuggio bon
Che a l’inorbì, ma lê no se sciattò^[sic]
Felice notte, o disse, o se n’andò.