 |
Questa pagina a no l'è stæta corretta. | |
Dedica dell'Autore
A quanti m'han vosciûo e me vêuan ben e, in specie, a mae sêu Teresa, a-o Prof. Comm. Filippo Noberasco, a-i frae Gioxeppin e Ernesto Astengo, da feliçe memoia do sciô Gostin, dedico con affezion questo libbro.
BEPPIN CAVA
TESTAMENTO
Figgio, te lascio ûn libbro,
a sola cosa mae,
e no ö borsotto gonfio
de tanti bûtteghae.
L'é ö frûto dö mae inzegno,
de ôe de distrazion,
ma pe e personn-e pratiche
no vâ 'na colazion.
Ereditae ben magra,
anzi da trascûrâ,
sgreio[1] de tempo inûtile
che no te fià sciallâ.
- ↑ Sgreio: sciupio.
