 |
Questa pagina a l'è stæta corretta. | |
( 199 ) DOCUMENTI
favorezar l'altro, no li vosi prender, imo li denonciai a li antiani e in prezentia loro fei demostrare li diti ducati a quello chi li aveiva in man, e de questo se n'è tanto indegnao Nicherozo de Torrigia, che ello me voreiva vei morto, fasando ogni di protesti e scripture contro de mi. Spero in Deo che quando le signorie vostre intenderan tuto, daran tâ remedio che lo dito Nicheroso no abiterà in questa terra vostra, perchè simille homo no ge sta ben.
Me son trovao stâ meixi sexe a posto sensa vicario jurista, e si no o posuto proseder in le caxoin predite, como avereiva vosuto, perchè lo dito Nicheroso fava scripture asae che mi no intendeiva. Vero è che Francesco de lo Pasteno era meo vichario, lo qua fo alegato sospetto in una parte e no poeiva dir niente, e l'altra parte me dava sospetto a mi, per che quando ge domandava consegio lo trovava molto freido e tepido, e per questo me son semper suprastaeto a far innovation alcuna donec abia comessione da le segnorie vostre.
E ancora piu me son fondato in la mia opinion, quando o visto uno de li doi legati, chi eran venuti per far vesco novo, a dito che se lo patriarca avese inteizo la vorentae de li populi ello no li avereiva mandae in questa terra. Ello se n'è andaeto a lo so patriarcha, no so se tornerà piu. Li diti legati uno era arcivesco e l'altro vesco, segondo che dixeivan, lo arcivesco chi è quello de piu sentimento e de piu dignitae è quello chi se n'è andaeto. Sapia adonca le signorie vostre che se se sta a questo modo, ogni ano serà garbugio in questa caxon de lo episcopato. Me pareiva a mi lo megio de questa terra che no fose ni l'uno ni l'altro, e a questo modo sesereivan le discordie, e si no se fereiva tante mangiarie quanto se fa per talle caxon.
Avizando vostre signorie che aora che lo dito legato se n'è andaeto, la parte de Caihares dixe che ello se n'è andaeto per che a mangiato, e a mi dixen estimo qui plus donavit, et questo per darme carrego no posando otegnî soa vogia. No vogia Deo che de simille cosa me brute le maein ni me incarrege l'anima mea, se debio goagnar dinari li vogio aveire con la gratia de Deo per altra via, e no far vergogna a le segnorie vostre chi ve fidate de mi, ni etiamdeo me vogio vergognar per denari, quia melius est bona fama quam divitie multe. Tamen intendo non se po tegnî la lengua a li mali dicenti, e che serà scripto de mi qualche cosa in carego meo per questa caxon per eseme soprastato, como o dito. Pure spero in le segnorie vostre, e che le prudentie vostre daran la tara a li passionae e a quelli chi se vo-
