 |
Questa pagina a l'è stæta corretta. | |
ANNO kl^> ( 198 )
avanti quatro o sexe de li principae, a li que fei dâ segurtae de non far tumulto ni conspiration a pena duo milia sommi de Caffà pro utraque parte, e faeto questo sessà li tumulti.
La cossa restà possia così interdita che Caihares figio de Cotulbey de Sonihi, lo qualle è cavo de parti e richissimo homo e parente streito de quello Dercarabet chi pretende esser vesco, overà con Nicheroso da Torrigia, lo qua è percurao de Caihares e de lo dicto Dercarabet, lo qua me a molto molestiao con scripture e con protesti menasandome in le soe scripture, vogiando che deponese lo vesco chi è in sedia e che metese a logo Dercarabet. Mi vegando che lo patriarcha chi aveiva mandao li primi legati, che aveiva faeto vesco Derronanes è morto, e che questo patriarcha novo aveiva scrito che lo dito vescho era staeto faeto per forsa e per mangiarie de denari, no abiendo ni notitia de nissuna di queste cose, compreixi che ello fose staeto male informato, e che per overa de lo dito Caihares lo quale ge aveiva mandato uno predicatore, che ello avesse impetrato tali legati per far uno vesco a suo modo.
Visto la contention chi era in la terra vostra me despoxi de non innovar niente in lo faeto de lo episcopato fin a tanto che le segnorie vostre fosen avizate de quello [che] intervegniva, e massime visto le reprenssioin faete per le segnorie vostre a meser Joffredo primamenti et postea confirmate in ello e in meser Baptista Justiniano per essese impaihati in talle facto, considerando che la multitudine de li populi Ermeni con la major parte de la bona gente volen per vesco quello chi è in sedia e che per l'altra parte no sono cha otto o dexe richi chi voleno l'altro Dercarabet, insomma me deliberai de avizar le segnorie vostre e de no innovar niente, aspeitando risposta de le segnorie vostre e quello che cometerei se farà. E per questo termen preizo me son restao in odio a una grande parte de li homi de la logia, li quae son obligae a lo dito Caihares per servixij che ello fa speso in prestare la moneta soa, e ancora li miei compagni officiali pechan in esto che elli avereivan vosuo che de subito avese despelato lo vesco chi era in sedia e che avese miso l'altro. No me ne parse bene, vegando lo tumulto de li populi, como ve o dito de sopra.
Avizando vostre segnorie che me fo portato in uno mandilo ducati de oro veneciani e saraffi de oro per la valuta de ducati duxento, secretamenti li prendese e dovese desmete lo vesco chi è in sedia e
