 |
Questa pagina a no l'è stæta corretta. | |
E sum questa penetencia san Poro dixe che non basta vareisse de lo mâ se o non fa lo bem, e anchora o dixe che la drita astinencia de abandonâ lo mâ si è de non tornâge pu. E san Poro dixe che quello chi non se neteza de le soe peccae per vera penetencia si dexira de avei sorve lê l'ira in lo dì de lo zuixo, che lo sarario de quello chi pecca si è la morte.
E Dee dixe per lo proffeta: "In quella ora che lo peccao sarà condanao e o se vorà gorda[sic] da peccâ, e' me adementegerò tute le soe iniquitae, e senper che lo justo sarà pervertio de fâ mâ con vera penetencia, e' me adementegerò la soa justixa."
E Jeremia proffeta dixe: "E' o dicto asai, si non vego chi vöge vegnî a penetencia de le lor peccae, ni chi vöge penssâ in lo so cör quello che e' am faito."
Unde lo Segnô Dee disse: "E' farò caze questo pövo se non saram obedienti a li mê comandamenti."
E san Gerömo Jerömmo dixe: "Quello è monto lonzi a chi non vö fâ penetencia, ni chi l'aspete de fâ a la soa fin e questo tâ non se arecorda de lê mesmo."
E santo Agustim dixe: "Dà una ta bastonâ a lo peccao e si faita, che in soa vita o non se arecorde de Dee quando ello vem a la soa fin e non se arecorde de lê mesmo."
E santo Anbröxio dixe de tuti quelli chi non se vörem pentî fin che non averam gracia de pentisse.
E san Sidero dixe: "Quelli chi stam indurai in le peccë si non vörem vegnî a penetencia, e quelli tai la penetencia che am in questo mondo non g'è prugatörio de peccae ma o g'è principio de inferno."
E santo Agustin dixe che la vera penetencia si è de esse pentio de tuti li mai che l'abia mai fato[sic] in tuto lo tenpo de la soa vita con intencio[sic] de non tornage pu.
Penetenca[sic] si è castigâ lo corpo, e mendâ li peccai fati[sic], e sastifâ a li bem lassai, e desprexiâ questa vita, e servî Dee, e conbate con lo demonio, e umiliasse lê mesmo, e sovegnî a li bezognoxi in le lor necessitae, negâ la propia vorentë e vive in obediencia.
A lozo de Dee e de messê san Geronimo dotô.
Lo duodecimo grao è astinencia
Lo duodecimo grao si è astinencia. De la quâ Xe. dixe in lo Evangerio doe mainere de devociom chi non se parte da la homo chi non fa oraciom ni zozu[sic], l'una è sprituâ e l'atra corporâ. La corporâ è astegnisse de mangiâ e de beive, de dormî, de parllâ. E l'atra è sprituâ, soè de refernâ[sic] lo cör de non tristasse, ni de alegrasse in li centimenti to, ni dexirâ, ni penssâ cosse inlecite. Adoncha lo zozum corporâ si è de astegnî lo corpo da li elimenti corporai, lo zozum sprituâ si è refernâ lo cör de li rê pensamenti.
E san Poro dixe che quello chi manga non dè fâ beffe a quello chi non manga, ni quello chi non mangia non dè fâ beffe a quello chi mangia, persochè alchuna vota lo homo a tanto merito a mangiâ como a zazunâ. Quello chi mangia dè mangiâ per avei sanitae e fortessa in ameistrâ la justixa, e quello chi zozuna, si zozuna per avei bontae e sapiencia contenplativa.
E santo Agusti[sic] dixe tai oraciom sanssa zozum è como caritae strutura, e cossì è zozum senssa devota oraciom, cossì como la luxerna senssa stopin e örio senssa fiama. Doncha lo zozu[sic] dè esse como ornao de limoxina asochè o piaxe e che o sea ornao de limoxina asochè o piaxe e che o sea ornao de limoxina asochè o premagna.
E san Grigö dixe: "Se lo homo dè penssâ de passe lo corpo mortâ de li cibi corporai, quanto maomenti o dè passe la anima de le parolle de Dee, le quë sum eterne."
E san Sidero dixe che quello chi se asten de mangiâ e non de peccâ, quello se asemegia a lo demonio chi non mangia mai e senper o pecca.
E santo Agusti[sic] dixe: "Cossì como la nave va a fondo per la aigoa chi ge intra per quarche falla e non resta de agotâ da la centina a chi non ihode lo pertuzo de unde a l'intra, e cossì como la chaza chi bruxa o non basta amortâ la fiama chi non amorta la reixe, e cossi lo erboro chi non a ardô non basta per tagiâ le rame chi non cava la reixe, cossì è a vorei castigâ lo homo de li mai o covem avanti che o sea castigao lo cör da li rê dexiderei e dezonesti apetiti."
E santo Anbröxio per raxon chi de andâ a la fame eterna a chi non se passe de atro cha de cibo mortâ.
Lo tersso decimo grao è timô
Lo tersso decimo grao si è timô. De lo quâ Xe. disse in lo Evangerio: "Non vogai teme quelli chi amassam lo corpo e pöa e' non pon fâ atro, ma temei quello chi pö amassâ lo corpo e pöa o mete la anima in lo infferno."
E san Zoane evangelista dixe che non demo avei atro timô cha quello de Dee.
De che Zacharia proffeta disse che la caritae cassa ogni timô.
E santo Agustin dixe che demo teme Dee e non como inimigo, asochê lo fuziamo, ma e' demo dexirâ de fâ cossa chi ge piaxe.
E Davit proffeta dixe: "Quelli temem Dee, quelli chi fam li söi comandamenti, e lo timô de Dee ge sta senper fermo." E anchora o dixe: "Figiöi odime e mi chi ameistro in lo timô de Dee, chi vö veramenti vei lo bem restrenza la lengoa da lo mâ e le larve che non digem mâ e fa lo bem e cerchâ la paxe e falla."
E Saramon dixe che lo timô de Dee è la vera sapiencia. E cossì coma[sic] la rastoira cassa le mosche e lo vento cassa la negia, cossì lo timô de Dee cassa lo peccao.
E santo Agustim dixe che sum monti chi dixem che temem Dee, ma no como e' dem, perssochè deveream vorei fuzî quello mâ chi dura senper, ma la pu parte temem pu la gente tenporâ cha le eternai, e si temem pu li ministri de lo mondo cha Dee.
E san Jirönimo dixe: "Unde e' me sea, e como me sea, e fassa so che vögia, o me pâ che degia odî quella voxe teriber chi dirà: «Levaive morti e vegnine a lu[sic] zuixo». E sum questo e' pensso senper con lo cör e con la mente
