O diluvio universale
| ←torna a-a lista di atri scriti | O diluvio universale de |
| da "Zena vista coscì", 1959, www.zeneize.net |
Tutto apprêuvo a un sette bello
coscì o Gin o l'ha faeto sgöbba
e o Gaitan con un pûgno ao Nellö
o te gh'à scciapôù a carubba
e o Dilûvio Universale
sensa l'Arca de Noè
l'è successo tale quale
e a sentieì sempre contà!...
Sciorte o Gianco, o fraè d'o Neigro,
o Ti dormi cö Bacioccö,
o Mà faèto cö Maloccö,
c[h']o vegniva da o Marocco,
ch'o ghe dixe: Mangio ûn coccö
se ghe daè n'atro pellocco,
ve civerto[sic] e poi ve stocco
e de voì ne formo ûn blocco
brûtto toccö d'en[sic]tarocco!
e o Gaitan o ghe risponde:
miaè Malloccö, andaève [a] asconde,
[se staè chì ve fasso e onde,
monimento sensa gronde.]
nö staè a infiave a piggiâ e parte
che ve sguaro comme e carte,
poi v'appendo e bele ôù collo;
où tegnime che gh'a mollo...
E vedendo ch'a và pezo
sciorte o Rocco d'in t'o mezo...
Larghi, vita, sotta, schêuggio...
e o t'acciappa in spûo in sce n'êuggio,
ch'o gh'inciastra tutta a micca
perchè drento gh'ea 'na cicca,
e mai ciù no l'aesan faèto
ôù chi l'è che me l'ha daeto
che ghe mangio mì o figaèto!..
de per l'aia arria ûn piron,
da [a] soffita cazze ûn mon,
e d'où rie scc-êuppa ûn sûffon.
Tutto apprêuvo ecc. ecc.
Chi succede ô parapiglia,
ae gazzêù ghe scappa-a billia,
scappa o tappo où barbaresco
scc-êuppa a bira che l'è in fresco,
xêua per l'aia scambelletti,
tûtto ao scûö senza brichetti,
scappa o gatto sotta ôù banco,
'na concà t'acciappa o Gianco,
tutte e töue son squaèxi rotte,
scappa o tappo a 5 botte,
ch'en andaèti a fâse fotte,
öù spassin ch'o lava e stradde,
gh'han sbraggiôù "pe mà cha[sic] vadde
vegnì chì con a maneghetta,
ghe[sic] a disfida de Barletta,
daèghia là son in maggetta,"
e o t'a sbatte li in bittega,
drento sbraggian "chì se nega!..."
fêua t'arriva 'na carrega,
[chi l'incoccia e o se gh'accoega]
i ferii son ciû de neùve,
no sponciaè ch'ho e scarpe nêùve!..
sbraggia o Lippia o fraè d'o Lûccö,
ch'o l'ha n'êuggio pin de stûccö
all'amîgo dö Pellûcco
ch'o l'ammiava [o] temporale
che ôù Dilûvio Universale
o se poeiva assûmmeggià!
Tutto apprêuvo ecc. ecc.