O Cicciollâ 1930/Un regordo de Algeria
| ←A-o pontin de Strie | O Cicciollâ de Un regordo de Algeria de Mario Garea Do Forno |
O vegio barcajêu→ |
| lasciòu inalterâ a grafia do "Cicciollâ". |
Un regordo de Algeria
- O Fatima, a tò figûa
a riposa in to mae chêu
comme in ûnn-a insenatûa
ûnn-a nave naufragâ.
O tramonti de Oran! Oh, in to cortile
circondôu de colonne e trafori,
reliquie di antighi mori,
discorrî de poesia!
Che tempesta in ti têu êuggi,
ciù turchin do nostro mâ!
O Fatima, e nostre anime
no se vêuan foxia baxià?
Quarant’anni se ne xioan
da-o mae inverno tempoïo,
o Fatima, ma o mae chêu
o no v’ha mai dito addio...!