O Cicciollâ 1930/A-o pontin de Strie
| ←A Cisa | O Cicciollâ de A-o pontin de Strie |
Un regordo de Algeria→ |
| lasciòu inalterâ a grafia do "Cicciollâ". |
A-o Pontin de Strie
Ûnn-a vòtta sciù a-o pontin
Ghe faxeivan l’adonâta
Tutte e strie de l’annâta.
Brütte vêge e con lûmin
Gh’ëan tütte a meza neutte
A fâ l’âegua d’erbe cheutte.
Ma o progresso çittadin
O no vêu ciü lünna pinn-a
E o gh’ha mìsso a lampadinn-a,
Rovinando ün scîtetin
Dove armeno i amorosi
Se basciavan, stando scosi.
A-o pontin, a-o pontin
O se andâva a dâ i baxin,
O s’andâva a-o pontin de Strie
A fâ l’amôu e a fâ do rie.