O Cicciollâ 1930/O sincero amigo
| ←A penn-a du Taggiun | O Cicciollâ de O sincero amigo de Gioxeppe Cava |
Lieto evento→ |
| lasciòu inalterâ a grafia do "Cicciollâ". |
O sincero amigo
Brindixi
Beivo e esarto in estaxi
Questo sincero amigo,
Che a gôa o me gattiggia
Con o sò bon pezzigo,
Che o me dà forza e genio,
Che me resciöa o chêu
E a bocca arsfûà m’imbarsama
D’ûn gûsto de pignêu.
Scì beivo a questo nettare,
Nemigo d’ogni baega,
Che o dà vigore e spirito,
Ma a mente o no embriaega.
O nostro sô doçiscimo
Risplende in questo vin,
Spremûo da-e man d’ûn Ercole,
Da-e ambre e da-i robin.