Ms. Ricci 176/Sonetto - L'aze da vuoi cantoú, che fré seolla
| ←torna a l'endexo | Poesie in lengua Zeneise de Sonetto |
Risposta a ro sonetto che me fass'e dell'aze (c 110)→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
L'aze da vuoi cantoù, che fré seolla
Non disse così ben de travaggin,
Quello che tra ri atri è ro ciù fin
Vorreiva oura mi dí, non è unna rolla.
Fra tanti che n'han scrito con ra folla,
Metteme mi de ló che son meistroin,
Restan appè de vuoi belli mincioin,
E mi cose faré? quarche scapolla?
O scappolla, ò nesció, che l'oeggian dí,
E vorré pu quest'aze, e vuoi loudá,
Per haveive mi assì quarcosa dito.
Ma ciù aze o non l'è; un sorvescrito
E gh'hei misso, ch'ogn'un se ro puoe fá
Per ese un aze, comme hei feto vuoi.
Chi non l'oré vegní?
Se quest'aze fra tutti è ciù honoroù
De quello chi fu in Delfo consagroù.
A vuoi che n'hei cantoù
Gruoeria; s'in dá all'aze tant'honó,
E l'hei feto dre bestie Imperató?