 |
Questa pagina a no l'è stæta corretta. | |
Gruoeria; s'in dá all'aze tant'honó,
E l'hei feto dre bestie Imperató?
Che con vuoi me rallegre ch'hei cantoù
Dell'Aze, o me tocca, e fasso ben
Se quest'è poco a quanto me conven
Solo vuoi l'hei incorrutibilificoù.
Sé pu ch'Aze se sé, ciù nominoù
O l'è questo per vuoi de quanti den
Muôé ra famma a nisciun de nint'in men
L'hei vuôi dezazenio mort'e scampoù.
Fá vive aze ch'o sguoere, o n'è mesté
Da mi, ni a penna menna in tro mé cuoe
Ni re scioi basta, ni o sciusciá derré.
Non me ro dí muoé ciù, che dirò ancuoe,
Che sguoera ro servello, ch'è lengié
E se a vuoi o pá l'aze, cré se puoe.
Ma no farei muoé zuoe
Per haveiro loudoù, e tant'in sciù
Porto i vanti, no digghe ra virtù,
D'oura sgorá de ciù
Sé tutta vostra, ch'hei de quello feto
Si ben mention, onde ch'ogn'un v'ha deto.
Gruoeria, donde l'è steto
Sciù scioi, penna, Ippogriffo e vuoi ro tutto
