Ms. Ricci 176/Sonetto - Che mi haggie a presumí de mette bocca
| ←torna a l'endexo | Poesie in lengua Zeneise de Sonetto |
Sonetto - L'aze da vuoi cantoú, che fré seolla→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Che mi haggie a presumí de mette bocca
Sciù i vostri versi; guardá no l'orei,
Quanto ciù caro amigo vuoi me sei,
Tanto manco de faro si o me tocca.
Goffo comme mere, hommo da rocca,
Vorrei che digghe, si no sò dí trei,
Per fá così l'è megio assé taxei
Che dí, e me sé deto sciù ra bocca.
Ma dito vuoi si ben; comme mi ma
Dine muoé posso? Dond'atra coronna
Meritoù ve saressi d'orofuoeggio.
Questa verde a ro vei lé n'impe l'oeggio,
Ma secca si a va in fummo. In Eliconna
Ra famma solo v'ha da immoratalá.
Dei donca contentá
Chi ve prega, via sciù che l'è raxon,
Ch'unna si bella composition
Resuoenne in atro son,
Che dra mé voxe rauca, e comparisce
Fuoera a ra luxe in muoeo, ch'a l'oscurisce.
E comm'ombra a svanisce
Tutte queste canzoin s'a quest'eterna
Dá se ghe dè unna lode sempiterna.