Ms. Ricci 176/Presente de rimme, e salati feto a un amigo

by Giurian Rosso

←torna a l'endexo

Poesie in lengua Zeneise de Giurian Rosso Presente de rimme, e salati feto a un amigo

Enigma→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

Presente de rimme, e salati feto a un amigo

Lustris.^o Patron, za che da vuoi
Con gusto son stimé ri mé porcoí
Con parolle, e con feti sta mattin,
Fassandov'un inchin,
Ve ne mando l'assazzo, azò per rie
Possé leze, e assazá ste porcarie

De queste in feto non ve mando ciù,
Perchè non ghe n'è ciù,
De st'atre sempre muoé che ne vorrei,
Se me commanderei
Non lascierò che ne staghé muoé senza,
Perchè me nascian d'intra mé despensa.