Ms. Ricci 176/In ro mesimo soggetto
| ←torna a l'endexo | Poesie in lengua Zeneise de In ro mesimo soggetto |
Sonetto - Caro messer Beato Giacopone→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Sciù lé mesmo Beatissimo, e perfetto,
Stà ro gran Poere sciù unna luxe immensa,
A mille cari suoe gruoeria despensa,
De gruoeria fonte, e de Beati oggetto.
Mentre, che ro fecondo sò intelletto
In lé con tutto lé, se spegia, e pensa
Produe un Figgio tutto lé in essensa,
Dio de Dio vero, in un parto, e consetto.
Ro Poere e Figgio in ese Dio tutt'un
In atto perfettissimo d'amó,
Con affetto reciproco, e commun,
Spirand'amando un atro uguale a ló
Spirito, Dio, in Trinité sol'un,
Santo Don, santo mezo, e santo ardó.