 |
Questa pagina a no l'è stæta corretta. | |
Sonetto
Ni da ro tempo, ò dall'eté prescrito
Sempre fù, sarà sempre eterno Iddio
Un, e Trin, no diviso, ò tripartio,
Immenso, incomprensibile, infinito.
In mezo o stà, ni spatio impaccia, ò scito,
Da lé mesmo in lé proprio stabilio,
Ro Rè dri anni con ro moto unio,
Piggian moto da lé; si comme è scrito.
Donna che tutto puoe, ghe seze appè
A trà, e ponne chi vuoe d'in cimma in fondo,
E unn'atra per fá gratie ha per mersè.
Sotto quest'unna [...] che fecondo
Rend'ere, egua e terra: intanto Lé,
Regolando ro Cé, l'è sempre mondo.
Sciù lé mesmo Beatissimo, e perfetto,
Stà ro gran Poere sciù unna luxe immensa,
A mille cari suoe gruoeria despensa,
De gruoeria fonte, e de Beati oggetto.
Mentre, che ro fecondo sò intelletto
