Ms. Ricci 176/Bonne feste a ro Sig. R. P. Raggio
| ←torna a l'endexo | Poesie in lengua Zeneise de Bonne feste a ro Sig. R. P. Raggio |
A Angero Maria Busseti per compra de gran per ro Sig. Duca Grimado→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Reverendo Patron,
Per divera in un scioù
Chì s[c]cetta in lingua cera,
Da ra Signora Livia Imperiera
M'è steto commandoù,
Che ve mande sto rubbo de sasisse,
Che son ciù bonne che re peire nisse.
E mi così fassando,
Con questo corré a posta ve re mando,
Perchè de queste chì fete senz'aggio,
Se ne fa un ontion pe ro contaggio.
Saccié ro Padre Raggio,
Che, chi de queste ro sò broddo piggia,
Ra peste ghe stà lonxi quattro miggia.
Houra v'oeggio pregá,
Che ve re fé pezá
E puoé se ra baranza andasse storta,
Dé trei pugni sciù un oeggio a chi re porta.
E con tutto ro cuoe
V'augugro fin d'ancuoé
Re bonne feste, a Vostra Signoria
Con ra sò Reverenda Compagnia.