Ms. Ricci 176/A Angero Maria Busseti per compra de gran per ro Sig. Duca Grimado
←torna a l'endexo | Poesie in lengua Zeneise de A Angero Maria Busseti per compra de gran per ro Sig. Duca Grimado |
A so coxin chi oreiva ese pagoù in tant'oerio da unna dita ra Cagninna.→ |
Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
per compra de gran per ro Sig.r Duca Grimado
Carissimo Angeretto,
Appointo v'imprometto,
Che per fá comme don ra diligenza
Son steto de presenza
A visitá ro gran de meistr'Andria,
Ro qua ghe n'ha, ma l'è figgiolla mia,
Così de quello, ch'ho piggioù da lé,
Ve ne mando ra mostra in tr'un papé,
Donde se lezerei
Scrito ro peiso e prexo ghe virei;
E se voressi un atro gran da reo,
Ne mand'un atra mostra ch'ha sò neo,
E sciù quest'atr'e un atr'ho scrito assì
Ro peiso e ancon quanto ro vendan chì.
Se ne vorrei piggiá,
Non manché d'avisá,
Perchè mi, ben se sa
Comme bon servitó, che son de cà,
Oevererò orenté pe ro sció Ducca
Tutta ra poca sá, ch'ho d'in tra zucca.