Ms. Ricci 176/A ro sig. Gioxeppe Vareise

by Giacomo Oberto Garello

←torna a-a lista di atri scriti

Poesie in lengua Zeneise de Giacomo Oberto Garello A ro Sig.r Gioxeppe Vareise - L'anno 1704 d'ottobre.

L'arrivo in Vuoé dell'arma de Franza→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti specce insce-e paole moççe e insci-i monoscillabi: acento grave = vocale curta, acento aguçço = vocale longa

A ro Sig.^r Gioxeppe Vareise in occasion che ro Sig.^r Giacomo Alberto Garelli ghe inviò a leze ri opere dro Sig.^r Giurian Rossi con un regallo de sasizze essendo tutti doi in villa in Ponzeivera
L'anno 1704 d'ottobre.

Signor Gioxeppe, de messé Giurian
Ve mando re canzoin, re bizzarie,
E perchè ciù ve poeran savorie
Mireghe un poco attorno cose gh'han.

Ve stupirei, s'a così scarsa man
Re mandé adorne de ste leccarie;
Ma l'ese in sto paeise così chie
Non me lascia fá ciù da Chrestian.

[...] perchè d'alloro ogn'un ne disse
S'incoronna ro Poeta; a zeraria
Respondo mi, comm'un ciù savio scrisse.

Unna ramma d'alloro è nesciaria
Solo ri servellé, solo e sasizze
Son coronna ciù degna a ra Poesia.

Chi me sentisse, o via,
Mi assì d'in tro fá versi fá dro bravo,
Direiva questo chì l'è un gran Diavo;

Ma vuoi, dro qua son s[c]ciavo,
Compatirei ste mé freidure chì,
Se fasso versi per schiribì.

Sentí, a mé scusa è chì,
Che ve ra porzo scrita de mé man

Me sforzo d'impará da Giurian:

E pu, a fe de can,
Si ben m'inzegno d'ese sò scolaro,
E no son manco degno d'imitaro;

Per zò, Patron mé caro,
Si ben ra musa mé non è estremadda,
Deh scuséra de gratia si peladda.

Ra seira avanti o giorno de deman
Un chi fa un po de simia a Giurian.