Ms. Ricci 176/A ro Sig. Massimilian Spinnora immascaroù

by Giurian Rosso

←torna a l'endexo

Poesie in lengua Zeneise de Giurian Rosso A ro Sig. Massimilian Spinnora immascaroù incognito in unna veggia

Bonne feste a ro Sig. N.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ro Sig. Massimilian Spinnora immascaroù incognito in unna veggia.

Ghe zughereiva un oeggio d'un de noi,
Che nisciunna indovinna chi me sé,
E se ciù leze chì n'ha ciù coé,
Voscià ne scuse, se ra pò tegní.

Creive pu manco de savero vuoi,
Quanto ciù adosso i oeggi me butté,
Unna ro sa, ma puoe semmo accordé
De tegnise coverti fra noi doi.

Se questo mé ese brutto, ò bell'humó,
Feme in poco un piaxei de no sercaro,
E ogn'un se tegne un po ro sò mattó.

Ma se pu ro mé nomme havessi a caro,
L'è d'un fruto chi e dose comme amó,
Porta ra porpa dose, e l'osso amaro.