Ms. Ricci 176/A ro Sig. Gioxeppe Tassorelli
| ←torna a l'endexo | Poesie in lengua Zeneise de A ro Sig.r Gioxeppe Tassorelli ghe invia unna lisentia contr'un Debito. |
A ro Sig.r Ferré→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Carissimo Patron, Sig.r Vicario,
Se quanti Santi son in calendario
Resarvan ra saccoccia da leventi,
Oura noi ve preghemmo cadamenti
Per l'execution de sta lisentia,
Azò ch'in apparentia,
Pro supervacua ab eo non habeatur,
Femeghe mett'un poco l’exequatur,
E se a caxo sto chì scuggia in prexon
Per no scontrá in tri matti incurabili,
Fareighe dá ro pan dri miserabili,
Perchè da puoe ve ro faremmo ben,
E s'o voresse muoé
Dave unna segurté,
Noi ve preghemmo ancon pe ra derera,
Sodisfeveghe ben mireghe in ciera.