Ms. Ricci 176/A ra Sig.ra Maddalena Senturionna

by Giurian Rosso

←torna a l'endexo

Poesie in lengua Zeneise de Giurian Rosso A ra Sig.ra Maddalena Senturionna

A ra signora Maria Brigida Spinnora.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ra Sig.^ra Maddalena Senturionna che haveiva dito all'autó mentre o caseiva: "Collo, che gambe se ne fa de legno."

Donca, perchè son cheito,

Bella me dí con sdegno
Collo, che gambe se ne fa de legno?
Serto ch'hei torto grande
A trattame così,
Perchè non cazei vuoi, son cheito mi.
Savei de cos'ho poira?
Temo seguro, ch'haggie indovinoù
Chi m'ha pronosticoù,
Che me deggie ro collo un di rompí,
Se vegno appruoevo a vuôi.