Ms. Molfino 421/LXVIII
| ←LXVII - Pro navigantibus prope civitatem | Ms. Molfino 421 Rimme de , a cua de Nichiozo Lagomao LXVIII - De exemplo contra ocelatorem, contra mundum |
LXIX - Pro mondo contemptu, in similitudo sompni→ |
| Transcriçion e notte do Nichiozo Lagomao, pubricæ inte l'Arch. Glott. Italian II, 1876 |
Si como sor oxelaor
con soi oxeli cantaor
e con enzegne e con apeli
4prende e aver oxeli,
gro,[1] mezan e menui,
chi speravan vive drui,
e per pichar un pochetim
8son vegnui a mara fin;
cossi lo principo enfernal,
chi sempre veia in nostro mal,
con falose cosse e vanne
12e deletacion mundanne,
superbia e ingordietae
e mile miria peccae,
e con sotir enzegne e arte,
16menam e tiram[2] per gran parte
l umannan generacion
a ternal perdecion.
grandi e picen e leterai
20vego cair in questi guay:
chi seme seme passa de la[3]
no pense mai tornar de za.
ze, chi doncha per niente
24vor peril si maramente?
Ieso Criste chi tuto po
defenda si lo povoro so,
che scampando de tar brancha
28vegna a quelo ben chi ma non[4] mancha.