Lunaio Regiña 1887/Gottardo

←A stradda Circonvalaçion a monte

Lunaio zeneize compilao da-o sciô Regiña & C. pe l'anno 1887 L'Itallia e a stradda ferâ do Gotardo

L'abdicaçioin do prinçipe Alessandro de Battemberg a-o trono de Bulgaria→

L’Italia e a stradda ferrâ do Gottardo

Sûnetto

Se spendeiva sciûscianta e ciû miöin
Pe-a nêuva ferrovia do Gottardo,
Ma che serio vantaggio e che riguardo
Ne ricava l’Italia da-e naziöin?

Tra mille concorrenze e proteziöin,
Trattan con moddo ipocrita e boxardo
O commercio italian comme ûn bastardo,
Comme ûn branco de laddri e d’imbroggiöin.

Ciû s’Austriachemmo e se Germanizzemmo,
Mentre no çærcan d’Italianizzase,
Levane o pan d’in bocca ghe veddemmo.

E veddemmo i tedeschi spantegâse
Pe-o mondo commerciale; e noî cianzemmo
Doppo de stä delungo a zinzannâse.