Lunaio Regiña 1887/Circonvalaçion

←E figette

Lunaio zeneize compilao da-o sciô Regiña & C. pe l'anno 1887 A stradda Circonvalaçion a monte

L'Itallia e a stradda ferâ do Gotardo→

A stradda Circonvallazion a monte.

Sûnetto

A stradda Circonvallazion a monte
Bella de sò magnifiche vedûte,
Centro de l’äia bonn-a e da salûte,
L’han ridûta ûnn-a barca de Caronte.

Confûzo e rosso de verghêugna in fronte,
Veddo ûn mûggio de case tiæ sciû sciûte,
Aspresciæ, äte, basse, ma costrûte,
Feûa de lûxe, de squaddra e d’orizzonte.

Terrasse con l’angiôu, teiti in scûggiæla,
E fûmmaiêu binelli e lûxernæ
Che pä che fassan tra de lö tombæla;

Fan concorrenza a Chêullôa e Gattamöa,
Levan a mëgio vista da çittæ
E fan che di foestê seggemmo a föa.