Laude zeneize/10

←IX. Della Salutacion de la glorioxa vergen Maria.

Laude zeneize do XIV sec. X. Laude della beata vergene Maria.

XI. Della beata virgine Maria.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

X.
Laude della beata vergene Maria.

1.
Madona santa Maria,
maire sei de lo Salvaor:
fai preguera a Iexu Criste,
che ello abia marcè de noi.

2.
O regina precioxa,
maire de De gracioxa,
la nostra mente fai desposa
in demandando a Deo perdon.

3.
Iexu Criste Deo veraxe,
per tuto lo mondo si mande paxe,
in questa tera, e in le altre, paxe
et consolacione.

4.
Iexu Criste paire nostro
son la croxe fosti posto,
voi ge fosti vivo e morto
per la nostra salvacion.

5.
Peccaoi fai penetencia,
et faira cum grande astinencia,
che allo dì de la sentencia
Dio abia marcè de voi.

6.
Peccaor, or retornai,
et le peccai ve confessai,
che voi non seai zuigai
a quello infernar dolor.