L'Amandoin de Bonassêua, 1858/Riçætta pe fâ fortûnn-a
| ←Riçætta pe ese bon meistro | L'Amandoin de Bonassêua, 1858 Riçætta pe fâ fortûnn-a |
Barselletta. No tocchæ in to beneitin→ |
| da-a Libraja de stoia moderna e contempoannia de Romma |
Striscia, restriscia, striscia,
Lecca, perlecca, lecca,
Infîte comme a biscia,
Strenzite intorno ä stecca,
No te-a lasciâ arrancâ
Fin che ti pêu intrigâ!
Và apprêuvo a questo e a quello,
Dì sempre oh bene! oh bello!
Cö fî da schenn-a apprêuva,
Remescia, çerca, trêuva,
Distûrba i çittadin,
Streppighe o sûnnaggin,
Falli levâ d'in letto,
Da licite se occöre,
Sûpplica in ton minore,
Calûnnia o to rivale,
Discöri de morale,
Opera a-o cæo da lûnn-a,
Pratica tûtto questo
Se ti vêu fâ fortûnn-a,
Mettighe ûn'etteccetera
Con sottintende o resto,
– Ti te fæ ûn ommo presto!