Esopo Zeneize 1822/Sunetto de Dedica

by Martin Piaggio

←L'autô a chi leze

Esopo Zeneize de Martin Piaggio Sunetto de Dedica

Introduzion — A Veitæ, e a Foa→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.

SUNETTO DE DEDICA.

Pappæ , Mammæ de Zena, e ciù un caroggio,
E Voi, che a primma cûa êi di Figgiêu,
Ve dedico, gradîlo de bon coêu
Questo mæ Esopo, voeivo dî struffoggio.

Sento zà battaggiâ campan-ne a doggio
Da-i Critici!... che o critiche chi vêu,
Che mi no vendo troffie per raviêu,
Nè spaccio per canella do fenoggio;

Hò misso insemme, senza pretension,
Da bon Poæ de famiggia, e bon Christian,
Çinquanta Foe, v'ë daggo comme son;

Fæle imprende a-i Figgiêu, che diventian
Obbedienti, studiosi, e d’un coêu bon
Senza ciù spaventâli cò barban.

M. P.