Esopo Zeneize 1822/A Mosca, e o Bêu

by Martin Piaggio

←O Gatto, e i Ratti

Esopo Zeneize de Martin Piaggio A Mosca, e o Bêu

O Gallo, e o Diamante→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.
In notta e diferençe co' l'ediçion do 1846.

FOA XXXVI.

A Mosca, e o Bêu.

Un-na Mosca de Stæ, stanca e affannâ,
In scié corne d’un Bêu a s’andò a posâ,
E a ghe disse: se mai te peiso troppo
Dimmeo, che me ne vaddo de galoppo;
Sciolla! rispose o Bêu, ti me fæ rie,
E chi saveiva che ti fosci chie?
Quanti nesci gh'è a-o mondo, che ghe pâ,
Scibben, che son vescighe, de pesâ!