Due brocche de viovetta/Pe-o X Marso
| ←Verso a lûxe | Due brocche de viovetta de Pe-o X Marso |
Goççe de sangue→ |
| ed. www.liberliber.it 2010 |
Fa ti ascì comme Cristo; smêuvi a pria
c'ûn ronson; säta sciù dä seportûa;
vegni, ma presto, perché se derrûa,
e solo ti ti pêu fâla finia....
Ti no sæ ninte? – gïa che te regïa,
anchêu in battûa, doman in rebattûa,
ma sempre in sciö candê, sempre in figûa,
a l'é ancon quella mæxima genia:
genia fæta d'intrigo e d'ambision,
sciammo de parassiti e ciarlatten,
da inciodâ, comme Giano, in sce ûn lampion.
Vegni.... ma no vegnî, no te conven:
lö sæivan boîn de mettite a-o landon....
dormi, no t'addesciâ, dormi a Staggen. –