Due brocche de viovetta/Ninn-a Nann-a
| ←Pensando a-o Natale | Due brocche de viovetta de Ninn-a Nann-a |
Mosche gianche→ |
| ed. www.liberliber.it 2010 |
- Nann-a
Ninn-a ninn-a, stanni quëto,
cöso cäo no fâ o sappin;
særa i êuggi, dormi angiëto,
fa a nanà, bello bambin:
angeo bello do Segnô,
dormi fin che spunte o sô,
angeo bello da mammà....
na....nà-na....nà....
Sta chì a-o cädo in ta tò chinn-a
comme ûn öxellin da nïo:...
ninn-a ninn-a, ninn-a ninn-a,
mi respïo cö tò respïo:
ti t'é a sciô do mæ giardin,
ti é de læte ûn seggelin,
ti é o demoelo da mammà....
na....nà-na....nà....