Pagina:Malinverni.Due.brocche.de.viovetta.1908.pdf/49

Da Wikivivàgna
Ninn-a
Nann-a

Ninn-a ninn-a, stanni quëto,
cöso cäo no fâ o sappin;
særa i êuggi, dormi angiëto,
fa a nanà, bello bambin:
angeo bello do Segnô,
dormi fin che spunte o sô,
angeo bello da mammà....
na....nà-na....nà....

Sta chì a-o cädo in ta tò chinn-a
comme ûn öxellin da nïo:...
ninn-a ninn-a, ninn-a ninn-a,
mi respïo cö tò respïo:
ti t'é a sciô do mæ giardin,
ti é de læte ûn seggelin,
ti é o demoelo da mammà....
na....nà-na....nà....