Due brocche de viovetta/Fêua de porte
| ←In cantinn-a | Due brocche de viovetta de Fêua de porte |
Frasche de Mazzo→ |
| ed. www.liberliber.it 2010 |
G'ho ûnn-a bella casetta chì vixin,
fêua de porte, a duî passi, ch'a pä ûn nïo;
tûtt'ingïo quattro parmi de giardin,
fiori, fêugge, äja bonn-a tûtt'ingïo:
no se vedde nisciûn, no gh'é ûn vexin,
in tûtto o giorno no se sente ûn crio....
uh! uh! - uh! uh! - se dixan dui piccioin,
e mi i veddo, e mi i sento, e mi sospïo.
Sospïo e penso: se a gh'é[sic] foîse lê
a fâ o verso a-i piccioin e a-i roscignêu,
a pestâ quest'erbetta co-i sò pê;
a zûgâ a scondillô comme i figgiêu,
e scorrîse e ciammâse, e quande in çê
spunta e stelle.... cacciâse in ti lensêu!