Donaver Antologia 1910/I amori d'un affamou

Da Wikivivàgna
Sata a-a navegassion Sata a-a serchia
I amori d'un affamou de Luigi Michê Pedevilla
da l'Antologia do Donaver do 1910
[p. 133 modifica]
I AMORI D’UN AFFAMOU.


O sciò[sic] Beneito primma d’innamoase
O l’ëa proprio un garzon de giromia
O ne tegniva tutti in allegria,
Sempre o pensava o moddo per demoase.

Aoa ch’o l’è in sci-i pizzi do sposase
Tristo o l’è sempre e d’ogni pò o sospia
E pà ch’o vadde squaesci[sic] in etixia
Da o troppo in scià[sic] so bella appascionase;

De moddo che unn-a tâ amorositae
Gh’ha caxonôu mai tanta sensazion
Ch’o l’ha za perso sênno[sic] e ilaritae,

Ogni atro ben da vitta in concluxion,
Fêua che (questo miracolo notae)
Bon appetitto e bon-na digestion.