Donaver Antologia 1910/Contro un presuntuoso
| ←torna a lista di atri scriti | Contro un presuntuoso de da l'Antologia do Donaver do 1910 |
torna a l'endexo→ |
Che saeximo, che mente, che çervello!
Ammiaelo ben, che - o vêu levâse in äto,
Ma da-a taera o no pêu erzise un cavello,
Eccove-o lì, che-o l’ha zà, faeto o säto.
Tosso commE o barchî de Pontexello,
O voeìva portâ a casa sciù de d’äto,
Ma zù o l'è cheito comme bêu a-o maxello,
Exempio a-i scemmi, che vêuan fâ do sciato.
Baggio, raena, laghêu, vipera, ombrigo,
O l’è inciastrôu de bava e de venin,
Ma a voeilo ben pagâlo, o no vä un figo.
Ve cacciae a indovinâ? sei pù streppin....
Veddo che me voeì mette in quarche intrigo,
Chi v'ha dito che-o segge o Pantalin?!....