Donaver Antologia 1910/Canson
| Cançon de , a cua de Federigo Donaver |
torna a l'endexo→ |
| da l'Antologia do Donaver do 1910, sença indicaçion tipograffica (l'è scinã difiççile da credde che-o Piaggio o se segge spinto a tanto). |
Sûnnae, campann-e
Non d'allegria,
Ma da ciù tetra
Malinconia;4
Ciù nu[sic] se parle
De vegge e scialli,
Ciù no se vadde
A canti o a balli,8
Perchè l’è morto,
Oh gran rovinn-a!
O pappagallo
Da sciâ Rosinn-a!12
Morte senscibile
E ciù afflizzente,
Non de maottïa
Ma d’aççidente!...16
Ûn coccoretto
Che zà o parlava,
Toccava a patta,
Rieiva e baxava,20
E o prometteiva
De voei vegnî
Un vëo Demostene
In discorrî.24
Destin crudele!...
Ma l’ëa deciso
Che andâ o dovesse
Presto in Eliso.28
No stae ciù a cianze,
Bella Rosinn-a,
Pe ûnn-a bestiûssa
Pappagalinn-a;32
Perché gh’é a-o mondo
Tanti ätri öxelli,
Lûgain, canäi,
Merli e frenguelli,36
Che, se no parlan,
San ben cantâ,
E in manezzäli
No pêuan beccâ.40
Sciûghaeve e lägrime,
Ché ve prometto
Vegniä ben presto
O sciô Enrichetto,44
Chi ve portiä
Ûn ätro öxello
Do pappagallo
Ancon ciù bello,48
Da poeilo sûbito
Domestegà,
E in gaggia e fêua
Ben appittoâ52
Sciallaeve dunque,
Faeve coraggio
E consolaeve
Ch’o l’è per viaggio.56
Me pä de veddilo
Intrâ ne-o porto,
Sbucâ impaziente
Da-o boccaporto,60
Sbarcâ in t’un gosso
Da-o Ponte Reâ
E a só Fenice
Vegnî a abbrassâ.64
Che se in America
O prolungasse
O sò soggiorno
E o ritardasse,68
No dûbitae,
No pêu mancâve
Parenti o amixi
Per consolâve.72
E mi pe-o primmo,
Vostro cuxin,
M’aviei pe-a casa
Seja a mattin.76
[[Categoria:Donaver Antologia 1910]