 |
Questa pagina a no l'è stæta corretta. | |
Un giglio gianco comme ûn armellin,
Chi ha tûtte e fêugge pinn-e de rosâ.
Questi fiori levae d’in to giardin,
Per man d’Amô, da-a bella Dea do mâ,
Ve presenta, o sposoei, barba Martin,
Zà che atra cosa ûn poeta no pêu dâ.
A rêusa a l'é o ritraeto in miniatûa
De Marinn-a e a descrivo o sò pûdô,
A grazia e l’avvenensa da figûa.
Finze de Luigi a fedeltae l’arbô
Do giglio intatto, e dixe a lö Natûa,
Mi v’ho faeto, ma anchêu v’ûnisce Amô,
Sûnnae, campann-e
Non d'allegria,
Ma da ciù tetra
Malinconia;4
Ciù nu[sic] se parle
De vegge e scialli,
Ciù no se vadde
A canti o a balli,8
Perchè l’è morto,
Oh gran rovinn-a!
O pappagallo
Da sciâ Rosinn-a!12
