Chittarin zeneize 1881/87

Da Wikivivàgna
Chittarin zeneize de Martin Piaggio
Sunetto
pe l'intrata do figgio Loigi inte l'orde di Capuçin


[p. 87 modifica]

SÛNETTO 1


Beneito mille votte e beneixïo
E mille votte torna benedetto
O momento ne-o quæ l'eterno Dio
O chêu toccò a-o mæ figgio prediletto!

Fiat, mi sempre diö fin che respïo,
Voluntas tua, che venero e rispetto;
Invidio, ma no cianzo o sò retïo,
Se ho cento,2 ho cento solo da-o diletto.

Se ho perso a-o mondo ûn Luigi ho fæto acquisto
D’ûn Fulgenzio ne-a Casa do Segnô,
Che zà risplende da sò grazia ho visto.

E voi, Vergine e Moæ pinn-a d’amô,
Fæ che de lûmme o segge a-o mondo tristo,
E fæmelo sentî predicatô!


[p. 88 modifica]