Chittarin zeneize 1881/83

by Martin Piaggio

←Sunetto

Chittarin zeneize de Martin Piaggio Sunetto

Sunetto→

pe-o maiezzo da Milieta Scigoi co-o Relin Botto nevo de l'aotô

SÛNETTO ¹

Damme a tò cetra, Apollo, pe ûn momento,
E falla da Imeneo ben accordâ:
Mûsa zeneize, appendimela a-o mento,
E aggiûttime ché a pòsse ben grattâ.

Aurelio anchêu me dà vasto argomento
Da poeì a giûsto titolo cantâ
E belle qualitæ, a virtù, o talento
D’Emilietta e de Lê chi l’ha sposâ.

I poeti son pe-o ciù troppo esaltæ
Quando per nosse fan qualche sûnetto,
Ma mi in cangio me piaxe dî a veitæ:

E diggo che ûn majezzo ² comme questo
O sä sempre feliçe (e ghe scommetto)
Pe-o genio, a zoventù, a saviessa, e.... o resto.